|
艺人吴卓羲虽主力演戏,但亦曾经以歌手身份出道,其中一首《别怪她》更唱到街知巷闻,近年因真人骚《披荆斩棘》而演出机会大增的他,近日作客周国丰和伍仲衡主持的直播节目时,宣布将重返乐坛,更透露正计划推出《别怪她》2.0!节目中,他坦言热爱唱歌,可惜唱得不好:“我成日都谂如果我唱歌好似佢咁就好啦,咁动听咁毛管戙就好啦!(咁点解你嗰阵会做歌手?)嗰阵时冇办法,无心插柳,TVB嗰阵唔想用咁多外面嘅歌手唱,咁就畀啲机会我哋唱主题曲。”
他又提到因绯闻及负面新闻而陷入事业低潮期,称:“行过报纸档份份封面都系你,有真真假假,绯闻嗰啲嘢,假嘅嘢我又好惊人哋会信,返到屋企自己喺度谂我听日点面对呢?(边一年呀?)05-09,(有几负面呀?)又问人借钱呀(古天乐?)根本就冇呢件事,你又唔可以讲咁多嘢,你又唔可以叫当事人出嚟帮我澄清,都几无奈几无辜,好低落。”幸最后都能够走出阴霾。​期间他又献唱《别怪她》及《红蝴蝶》等歌曲,伍仲衡直接狠批:“我觉得你系唔够气,呢个系你唯一要改进。你同Bosco唱歌个方法好似,佢都系一入就好似唔够气,我觉得你要练番啲气,你上高音啲气唔够support,好似好虚,食多啲党参!”而吴卓羲亦直认有此问题,表现相当大方。
|
|