|
由周家怡、李靖筠(Gladys)两位女车神主理的介绍靓车节目《恨驾女团》,日前请来陈家乐担任嘉宾,节目组更借来一架二百多万的开逢跑车拍摄。近日,家怡及家乐有份主演的电影《出租家人》上映,提到拍摄趣事,家怡被爆首映当晚已经喊咗,她表示“因为讲屋企呢啲题材,再加自己有份拍,好容易‘撩’番个角色出嚟,有番啲回忆,好易触动到,Angela(许靖韵)同埋Elly(艾妮)都有喊。我觉得系一个Reminder,细个唔会觉得人生有限期,觉得所有嘢都有好多时间,唔会谂到见得一面得一面。”
对于即将做老窦的家乐,家怡及Gladys就做了一个“好老公Check List”,来测试家乐是否一个好老公。不过未开始测试,Gladys已大赞家乐是好老公,“佢超以老婆(连诗雅)为优先,陈太系佢嘅世界,我都觉得佢哋系模范夫妻。成日都见到佢赞老婆:‘老婆你好叻呀’。”问到家乐会否下厨?家乐即谓没问题,还透露早前煮了蒜蓉粉丝开边蒸虾。之后家怡又问如果自己没有做错事,但老婆好嬲,家乐会否先Say Sorry?家乐笑说以前不会,但现在会,“都系为自己将来幸福啫,哈哈。其实有时仲未100%做到,尽量啦,呢半年有咗小朋友,太太啲情绪可能会更加容易被触动,我就更加要迁就。”最后家乐成功通过种种测试,两位女车神都大赞他是一名好老公,更是绝世好男人。
随后三人又谈到为BB改名,家乐直言已有想法,更大赞自己改得好,名字男女都适用叫“陈彻”。家怡闻言即说:“等阵先,我真系劝你唔好,‘陈设’系用嚟摆㗎!”但家乐未有理会,继续说:“英文名我都谂埋㗎啦,叫Deco。”Gladys问陈太是否批准?家乐坦言未获批准,但自己喜欢两个字的名字。问到为甚么要这样做,家乐谓:“有型啫!”但家怡及Gladys即装出嫌弃的神情,家怡更谓:“你真心觉得有型?我开始觉得同佢沟通唔到,佢觉得有型嘅嘢我一啲都唔觉得。”
|
|