汤洛雯带爱猫打疫苗险生死两隔 1原因及时发现

etin

视帝马国明同老婆汤洛雯（靓汤）正值新婚时刻，早前靓汤更喺社交网晒出夫妻同框嘅合照放闪外，同时更为家中嘅2只爱猫之一“BB”庆祝3岁生日，恩爱生活羡煞旁人。然而，天有不测风云，日前靓汤就喺社交网透露自己带“大仔”去打疫苗，未料番到屋企后，大仔开始肚屙，跟住鼻变得鲜红外，连眼都肿埋兼呼吸急速，吓到靓汤即刻带大仔去睇医生，要打抗敏针及止呕针之馀，仲要瞓氧气箱，见到毛孩咁唔舒服嘅靓汤，亦直言：“个心痛到啲眼泪狂飙！”不过好彩半个钟后，大仔不适嘅症状纾缓唔少，之后亦带番屋企继续观察，而医生亦直言好彩靓汤及时带大仔睇医生，如果唔系后果不堪设想呀！而随着靓汤惊心动魄嘅分享，亦引嚟唔少网友留言分享自己毛孩嘅经历，引嚟靓汤回覆道：“原来大家都试过有咁嘅情况，真系好恐怖，第时都真系要考虑系咪真系要继续打，太惊吓！”