|
艺人唐诗咏约满无綫后,近日转帮HOY TV主持节目《英国边忽好》。昨午举行相关记者会,播出部份拍摄花絮,当中包括安排她接受骑术训练,期间她叫声震耳欲聋!原来今次乃唐诗咏首次到访英国,20日内走访3个地方:“系辛苦嘅,但真系认识晒英国文化,好似英国人点解要1日要食6餐咁。(咪食到呕啰。)我真系食到呕,去到后期食批,我都真系食唔落,我叫摄制队唔好再带我去食啲咁饱嘅嘢。(见妳学骑马大叫。)以前拍剧我都有骑过嘅,不过呢次系骑术训练,骑上去真系好震,真系好难。”由于行程相当紧密,唐诗咏坦言未有时间shopping:“完全冇使过钱,所以真系好想再去,应该系另一种体会嚟嘅。(嚟紧会同HOY TV再合作?)佢哋有问过,其实离开咗无綫后多咗好多新尝试,接触咗好多新嘅人,令自己都开放咗,好似以前我从来都唔做综艺,好惊自己唔识做,点知今次冇晒包袱,可以攞最真嘅自己出嚟。”
提到今次到访英国,出发前好友黄翠如提醒她说:“佢叫我唔好病,要带多啲药傍身。其实我都锺意离开香港工作,如果1年去一个地方都可以嘅。(最想去边?)希腊同埃及都可以,好想睇金字塔。(今日你咁有心织啲杯垫送俾大家嘅?)我织咗成个礼拜㗎,都系嗰句啦,呢年学咗好多嘢,同埋又新体会,同以前嘅生活好唔同。”至于日前被发现梁洛施及陈伶俐聚会,事后被指“生活富泰”,唐诗咏表示:“我哋一齐学佛,搵到可以一齐倾佛法嘅朋友好开心。我同梁洛施系拍电影认识嘅,至于陈伶俐可以话睇住我大,我哋唔系成日都见面,都系几年见一次,不过佢哋好关心我。(介唔介意畀人话同佢哋一齐好富贵。)友情唔系咁样衡量,我其他朋友好似视帝马国明都好贵㗎,心灵富足最紧要。”
|
|