|
艺人吴镇宇入行逾40年,拍过无数电影同剧集,仲曾夺台湾金马影帝,演技获得肯定,最近拍内地综艺节目《无限超越班2》人气又再急升,日前网民疯传佢早年短期削发为僧嘅相,仲指佢当年曾3次考无綫艺员训练班都唔成功,但喺出家修行之后再去考就成功咗,惹起网民热议!​相信呢张照片系80年代影嘅,吴镇宇剃光头身穿袈裟,个样同依家都冇咩点变,只系睇落比较年轻,网民都大赞佢Keep得好,似食咗防腐剂一样!其实笃信佛教嘅佢曾透露多年前喺妙法寺出家嘅经历,不过嗰次只系一次短期几日嘅修行,而佢早年受访时亦曾表示考虑喺50岁后出家做一、两年和尚,不过到咗依家佢都62岁都依然工作不断,睇嚟暂时都未有出家计划啦!
|
|