|
艺人吴若希昨日下午出席慈善活动,一家大细到场支持,相当温馨。近日忙拍剧的她透露前晚还抽空到内地搵真银,今早即赶返香港陪一对子女,晚上还要再继续开工拍剧,可谓分身不暇。她搞笑自称“称职妈妈”:“就算我好眼瞓,都会尽量起身送佢返学,咁剧组都对我好好,有足够时间休息嘅,依家预算月底就可以正式煞科。”吴若希又自爆最近买到心水手袋:“可能做得善事好心有好报,我睇中咗个好难买嘅包包,终于到手啦。(点买到?)识人好过识字啰,有朋友帮手,仲要唔系炒价,今朝到手我即刻拆出嚟用啦。(老公送?)我自己畀钱,每年我都会Set定目标,买几多个袋,投资啲乜嘢,我理财唔错㗎!(今年想买几多个包包?)希望每季1个。(挑战袁咏仪包包狂人嘅地位?)边度挑战到呀?佢呢啲殿堂级,我连门都未入到!”现场记者叫她拿“战利品”给大家欣赏,她即搞笑让经理人孭上身,又指自己因此心情相当兴奋。另外又谈到“死敌”菊梓乔签约新公司,吴若希笑说:“梗系知啦咁大新闻,我哋全公司喺度讲紧。我都有公开送上祝福,咁系件好事。(冇私底下搵佢?)冇,我同佢冇乜联络,其实依家同剧嘅演员我都唔会搵,我个人好自闭,好惊等间又传不和呀!”
|
|