郑启泰《爱．回家》遗作出街 未婚妻靠追剧怀念

etin

DJ郑启泰向未婚妻王雁芝（Angie）求婚成功后突然病逝，未婚妻Angie虽然表现坚强，不过连日来仍不断喺社交网晒出回忆合照，表达出对郑启泰浓烈嘅思念之情外，早前更晒出郑启泰于剧集《本尊就位》嘅演出截图，直言：“最近最火男演员，日日都有你。”而日前（16日）播出嘅处境剧《爱．回家之开心速递》，又再有郑启泰嘅演出，Angie更分享道：“原来蒋金买咗个岛添呀！我要睇翻寻日嗰集喇！”喺日前播出嘅《爱．回家》中，剧集未段熊家人去咗“姬卧群岛”，郑启泰亦以岛主身份现身，虽然剩系短短几分钟嘅演出，但就令观众惊喜万分，纷纷留言道：“系鬼怪郑启泰呀！”、“估唔到呢集会系鬼怪遗作篇！”、“岛主是郑启泰，这集已拍了很久了。”、“好明显已经拍咗好耐。”、“系呀，我都好挂住泰哥吧！”另外，亦有网友问道：“珍惜每一个郑启泰演出嘅画面。另外，蒋金系咪因为追唔到ma姐变身成为岛主？”