马国明汤洛雯情侣装拜年 派“特别版”双封利是

etin

视帝马国明同汤洛雯（靓汤）于去年底结婚，成为一时佳话，昨日（10日）系大年初一，佢哋第一次以夫妇身份过年，靓汤喺社交网大晒情侣装合照放闪，首度以“马太”身份派利是嘅佢，亦跟足传统大派双封利是，留言：“新年快乐，身体健康，龙年行好运。边个想要？”个利是封相当有心思，特别印有佢哋嘅英文名“Roxanna & Kenneth”早埋佢哋婚礼专属Logo，仪式感十足！​佢嘅已婚好友包括连诗雅、杨茜尧等有送上祝福，而未婚嘅高海宁、朱晨丽、江嘉敏等，纷纷争住留言同靓汤𢭃利是，最搞笑系马国明都留咗3个举手Emoji，竟然想问老婆拎利是，两公婆隔空大耍花枪，真系闪到爆呀！