|
艺人郑嘉颖早前以“浪费时间”为由缺席“铁马家族”聚会,加上佢同太太陈凯琳(Grace)又缺席马国明婚礼,令网民揣测佢同与马国明兄弟反目,引起热话。虽然佢哋已为传闻辟谣,不过昨日(10日)大初一,马国明同太太汤洛雯婚后首次出动派利是,但系郑嘉颖早已离港“避年”,与家人到澳洲旅游,于社交网大晒喂袋鼠嘅相,有网民就质疑郑嘉颖系咪刻意避见“死敌”马国明呢?郑嘉颖呢次澳洲之旅只系带咗大仔同二仔,冇带到1岁细仔随行,Grace留言:“冇谂过一家人第一次去旅会系去澳洲嘅Gold Coast,Queensland,仲可以庆祝农历新年添!寻晚我哋凌晨四点先到酒店,不过好彩小朋友上飞机好合作,8个钟头都冇扭计,仲一上车就瞓到去酒店!”
|
|