|
艺人萧正楠(阿萧)现正为无綫赶拍新剧《奔跑吧!勇敢的女人们》,忙于拍剧之馀,萧正楠早两日亦飞到美国西雅图“快闪”开骚。海外粉丝难得见到阿萧都相当热情,因农历新年将至,现场有不少前排观众还向他大派利是,认真过肥年!萧正楠接受访问时,表示能够与好多观众见面非常开心,“虽然真系快闪,来回得3日时间,但我都抽时间去咗印第安人聚居的瀑布打卡。我开show嘅时间系香港嘅凌晨,所以唱歌嗰阵我双眼其实系布满红丝,show后我真系谢晒,因为时间好赶,我连庆功都冇去就坐飞机返嚟,今日仲要影《巾帼4》嘅海报。”之后又搞笑说:“今次真系要多谢珍姐(曾励珍)、徐生(徐正康)同监制玮澄,多谢佢哋度期畀我,呢个真系好重要,演唱会嘅收入确实系唔错,最好系可以过去见到一班真系锺意听广东歌嘅朋友,而且好多朋友畀利是我,塞到我一裤都系,等我过咗个早年。”讲到利是钱随时多过酬劳时,他又笑言:“我唔知呀!我好乖㗎!我系过咗农历十五先会拆利是嗰啲嚟!”至于正在拍摄新剧《黑色月光》的黄翠如,因为老公忙工作,今年就自己一手一脚办年货、买年花,她受访时谓:“其实本身我都好锺意花,而呢间花店系我几个朋友一齐开,所以我周不时都会去买吓植物,今次顺道买埋年花。”
|
|