|
前港姐亚军陈桢怡(Celina)在无綫剧集《状王之王》中,前晚(5日)首度登场,她的出现引发王浩信的太太姚子羚打翻醋埕。她谈到剧中造型坦言洋装、古装各有特别,但最难忘的是经常要随身携带的药箱:“以前啲药箱原来成个用实木做,比较重,拍嘅时候可以顺便练吓手臂力。”Celina为了演得更加神似,不但事前做足功课,还看了人生第一次中医:“我去咗横店中医馆度睇我人生第一次中医,仲试埋针灸,我之前未试过,因为本身惊针。因为我拍剧都有施针嘅场面,所以主要要体验吓个流程。我另外都有睇啲关于仵作嘅剧,去学吓啲揸刀手势同埋点样处理啲解剖工具。”
讲到与姚子羚首度合作,Celina坦言初次与对方见面时有点害羞,幸好子羚相当平易近人:“佢好Warm,我第一次见到佢已畀佢融化,当时我好怕丑,好想Say Hi又唔敢,但Elaine(子羚)已经好热情。大家相处咗3个月,Elaine同子涵真系好似大姐姐咁好照顾我,好有家嘅感觉。”Celina又谓就算不用开工,也会到拍摄现场探班,导演林子聪也大赞Celina好学又可爱,Celina说:“呢套剧拍摄氛围真系好好,每日都好开心,好期待开工之馀又会笑住咁收工,成日都笑到肚痛,所以最难系忍笑。”最难忘一幕要数今晚的针灸场口,皆因她多次几乎误拮姚子羚:“因为速度要求好快,但拍嗰个角度又好难睇清楚施针个位,所以好多Take都争啲针咗落子羚度,我自己都拍到满头大汗。”
|
|