麦大力晒恐怖血痕相 美国滑雪出意外断股骨

etin

无綫早前举办嘅“冲上云霄大选”冠军麦大力（Derek），身为混血机师加入电视界，仲同腰果眼女神简淑儿拍拖，成个人生package几咁完美，近日麦大力去到美国Mount Snow滑雪，点知就忽然自爆出意外，搞到右脚多处都有手术后嘅恐怖血痕，情况严重！佢上载多张滑雪相，本身喺雪山上着晒Full set滑雪gear嘅佢，下一张相就见到佢瞓喺病床，虽然佢仲笑容十足，仲用被包晒成个人，净系露出靓仔样，之后更见到佢晒出右侧大腿做完手术嘅伤痕相，原来麦大力不慎摔断股骨（俗称大腿骨），随即被送往当地医院进行手术，其大腿外侧至膝盖位置留下4个深长缝合伤口。麦大力用英文留言：“农历新年以一声巨响结束，好事变坏事，人体最难折断的骨头之一成功折断，这算甚么成就？2024滑雪季结束。我仲未话畀父母知，你估吓件事会几快传到去佢哋度？”