杨千嬅“入五”前孖老公行名店 丁子高激罕晒蜜照放闪

etin

歌手杨千嬅自去年5月起到各地举行巡演，今日（3号）迎来50岁生日嘅佢，日前就趁澳门站开骚前嘅空档，返到香港同好友提早庆祝生日。佢喺社交网晒出靓相，并表示自己收到好多嘅生日蛋糕同礼物。随后丁子高仲难得高调放闪，分享同老婆嘅合照，只见丁子高从后揽住杨千嬅，2人头贴头相当甜蜜，丁子高更为老婆送上紫色蛋糕及紫色鲜花，周围布置都系以千嬅最爱嘅紫色为主调，认真有心思！另外有网友分享自己喺名店偶遇佢哋，晒出同千嬅嘅合照并写道：“逛街偶遇余春娇啦！在等SA打包，转身一看遇到嬅姐和老公逛街，好开心呀，最近我太幸福了吧”睇嚟系相当宠妻嘅丁子高带老婆到名店拣礼物。贴文曝光后，网友都纷纷直呼羡慕，更大赞杨千嬅保养得宜，完全唔似50岁。