麦明诗爆喊接受求婚 盛劲为出动“巨钻”打动芳心

etin

“十优港姐”麦明诗早前被传将于3月嫁给飞机师男友盛劲为，但男女方一直未有回应，而盛劲为昨晚（30日）突然在社交网公开求婚短片，最爆是麦明诗开口向他求婚：“我想同你结婚。”而相片及短片中见盛劲为全面通红，麦明诗眼湿湿又傻笑，在上载一张合照中，两人不是骚戒指，而是骚手表。盛劲为留言：“以前嘅我，以为自己会单身一世。一个人无拘无束几咁好，但一个疫情，令到以为揸住铁饭碗嘅我突然失业，原来我并非想像中咁硬净。嗰时我哋唔系好熟，但系你听到我嘅情况，就问：“既然呢排得闲，想唔想去电视台做吓part-time啊？当见识吓、识吓女仔啰。”
听到有得识女仔，梗系正啦！就系咁，你介绍咗我上去后生仔倾吓偈，再玩冲上云霄大选，又参与咗一部剧做茄喱啡，见到好多靓女，但最后…我都净系识咗一个女仔，仲要本身已经识佢，由一开始大家都冇谂过会有咩发展，但系就愈倾愈投契，而且觉得好mind-blowing，因为我从未遇过一个靓得嚟冇脾气、努力、会替人切想嘅女仔，仲要…. (下删一万字)。同你一齐，冇一刻系浪费时间，我哋每日好似best friend咁一齐玩，一齐游水打波滑雪上山下海，将“情人”同“朋友”呢两个身份完美结合。

我真系好好彩先可以遇到你。之后我讲笑话，如果我哋结婚，你都要同我求婚先衬得起你性格喎。我真系冇谂过你会记得我呢句说话，然后坚做…好嘢，你喺我最需要人support嘅时候出现，我呢世都会记得。我肯定将来我哋会面对好多困难，但只要我哋一齐面对，一定可以挨得过拍拖，初期有一幕我到今日都好深刻，你话：“你未resume番，食饭等我请啦，嗱，你一飞返就以后都系你请我食饭㗎啦。”我希望可以请你食饭食一世啦。”最后更写下“#WeSaidYes @louisa_mak”随后麦明诗亦上载盛劲为在悉尼的沙滩上向她跪地求婚的相片，虽然大扎玫瑰花，但他送上的“巨钻”则是玩具戒，不过已令麦明诗喜极而泣，立即首肯。