郭富城牛一幸福到晕 方媛拍醒细囡陪爸爸切Cake

etin

天王郭富城前日（26日）58岁生日，经理人小美就率先Share咗城城生日会合照，只见圈中人广，不过就未见佢爱妻方媛同两名可爱囡囡，原来系要等女主人亲自upload全家福！只见城城一同老婆囡囡合照，个幸福样出晒嚟，冧笑揽实前世情人，连个样都young埋。不过有眼利网友就发现，虽然方媛为两个女遮样免私隐曝光，不过仍然睇得出二女Charlotte全程好似黑晒面咁，冇乜笑容又扁晒嘴，方媛即回覆网民指，原来当时搭正12点要同爸爸送祝福，佢哋就嗌醒已经瞓咗嘅Charlotte起身，所以合照时先会面燶燶。而郭富城都好识做，即时转发生日Post多谢妻女：“谢谢老婆和女儿😊。也谢谢大家对我的所有祝福。❤️也祝福大家开开心心、快快乐乐、身体健康、事事顺心。😘”