|
准新娘汤洛雯(靓汤)昨日(25日)出席美容店开幕活动,她表示最近跟男友马国明接了不少外快,笑言:“佢搵多啲钱筹备婚礼,我就搵多啲钱做私己钱。”她透露马国明终于忙完拍剧,空闲不少,两人最近才第一次一齐游水:“我唔系着泳衣,我系着潜水衣,因为喺会所泳池好多人。”
​靓汤自言为婚礼而积极做运动减肥,亦有逼马国明健身:“系佢人生第一次健身,佢唔系咁锺意,佢本身好钢条身形,好瘦冇乜脂肪,我话想见到佢有六旧腹肌,佢依家有两旧啦!希望可以一齐Keep得靓啲。”她目标是回复选港姐的身形,现时已减掉10磅,要再减10磅才达标。问到会否以性感造型影婚纱相晒收身成果?她说:“我哋唔会喺泳池影。(马国明半裸揽住你影?)唔会咁做,咁浮夸,我哋想走浪漫路线,要轻松同开心。”她透露婚礼于年底在外地举行,但仍未定姊妹团人选,亦未拣礼服,但已落实由妹妹担任伴娘,否则怕对方嬲嬲猪。
|
|