陈凯琳自爆一出道即陷低潮 情绪崩溃唔敢出街见人

etin

艺人陈凯琳（Grace）近日现身网上节目《发·神·经 》接受艺人之家的牧师Bosco和唐贝诗访问，大谈她在娱乐圈的低潮经历。在外人眼中Grace的人生似乎一帆风顺，但她自言是一个报喜不报忧的人，在社交网中从来不会说不开心，但自己在娱乐圈其实有不少经历：“今年系我入行第9年，我谂我最低潮系由我第一套主演嘅剧集出街，因为我冇经验又冇接受过训练，所以当年剧集出街畀人闹到我想匿喺房，好惊见到其他人，觉得好丑，出面啲人话陈凯琳唔识演戏就唔好做女主角，点解要用一个咁嘅新人，字眼好苛刻，由你嘅演技开始，然后就会话你个样，之后就针对你嘅家人，系全方位咁闹，我记得有一刻瞓喺床上郁唔到，情绪好崩溃，觉得我做娱乐圈系要带娱乐畀人，但大家都闹紧我，不如唔好做，唔知道做落去嘅意义喺边，我对自己好失望，因为我本身系一个对自己要求高嘅人，出街有人见到我，问我系咪陈凯琳，我个心觉得对方系笑紧我，感觉每个人都系讲紧你，呢个就系我人生最低落嘅时候。”
她称幸好自己的信仰拯救了当时的自己，才能慢慢走出低谷：“从呢事件令我去谂不如依家好好去学戏，或者再去奋斗去努力，对我嚟讲，呢9年系一个最大嘅学习，而且你会觉得更加值得，因为唔系一开始就到手，反而系慢慢，突然有一套剧，有人话陈凯琳嘅演技进步咗，演得好自然，对我嚟讲已经系一个赞赏。”Grace笑言很羡慕老公郑嘉颖的心态，已经练成百毒不侵，但自己就很介意别人怎样看自己：“有时想其他人锺意自己，但又想做自己，好难搵到平衡，到依家呢这一刻，我系比以前好，起码以前只有20%，依家会有60%嘅自信，但我觉得仲未到100%。”