|
本帖最后由 etin 于 2023-5-28 10:52 编辑
艺人连诗雅(Shiga)昨午(27日)到中环出席慈善活动,席间她对陶瓷制品爱不释手,她说:“知道系啲残疾人士整嘅,佢哋真系好犀利。几年前我上过1、2堂,依家好想再试吓。”她直言想与老公陈家乐齐齐试玩:“其实每年自己生日,都想同佢做啲DIY,睇吓今年会唔会有机会整吓陶瓷。”她冧爆指曾收过家乐自制的心意卡,问她想收卡还是钻石多点,她说:“其实我好简单,收卡已经好开心,咁我都有整过蛋榚畀佢。”她又直言近日开始迷上“屋企嘢”:“唔知系咪年纪大咗,愈嚟愈喜欢家品类,粉丝都好锺意送厨具畀我,亦多咗喺屋企煮饭,因为觉得健康啲。(最叻煮乜?)试过过节整花胶炆冬菇,我煮西餐叻啲,反而蒸鱼唔系好得。(好贤良淑德。)我唔知自己系唔系,不过希望照顾好身边嘅人。”当问到家乐是否食“住家饭”增磅,Shiga说:“佢食极都唔肥,反而我就因为煮饭试味而肥咗。(整爱心饭盒畀老公?)冇咁忙嘅话,我都会为佢准备,好似早排佢拍剧,都有煲汤畀佢,佢都有请身边嘅人饮,不过我煲得唔够大煲。尽量啦,不过我希望嚟紧都Keep住自己事业型女性嘅身份。”
|
|