|
歌手菊梓乔(Hana)一连两场演唱会昨晚(21日)顺利完成,好友何猷亨、周志康、丘梓谦及女友、其所属唱片公司高层何丽全等纷纷现身捧场。甫开场演绎《忘记我自己》等数首歌后,久未在港开骚的Hana,即向台下问道:“大家有冇挂住我?嚟紧想大家见到全新嘅菊梓乔!”搏得台下掌声雷动。整晚她不时“边唱边讲”,又邀请男粉丝上台合唱《相信爱情》,期间Hana主动靠向对方,又拖实男粉丝绕场“玩捉迷藏”,表现high爆!
“梦境”环节演出时,Hana以银色露腰装与数名男、女dancers大跳辣身舞,更与首晚演出一样“自摸”及被女舞者“扫胸”,意识大胆。舞后她再问台下:“我跳舞跳成点先?今次时间紧迫,但我觉得都要加少少新嘢!”谈到创作之路,她表示会继续写歌:“我出道时系‘2016年创作女新人 ’嚟呀。”嘉宾曾比特登场时,表示入行前曾参加唱歌比赛与Hana同场,Hana即搞笑谓:“当年你都唔系呢个发型,依家后生咗好多,我好攰呀,你帮我唱10只歌!”
Encore时Hana突然感性表示:“今晚后系新起点同突破,以后我唔会只系着长裙。呢几年我愈嚟愈坚强,似AI 一样,选择唔记得一啲嘢,顺利过咗去嘞,师傅(相士)话我人生最差嘅时候已经过去,会愈嚟愈好。4年前我讲过你哋(歌迷)系我嘅光,喺黑暗前好难见到一点光,所以多谢大家畀爱同勇气我。”
完骚后Hana受访大呼“唔够喉”。谈到台上“不停嗌攰”,她解释:“只是搞气氛啫。(妳表现好high。)系演唱会需要嘅,第一晚有人话我唔讲嘢,所以今晚讲番多啲啰,同粉丝互动其实都好开心嘅。(今晚冇落台同粉丝拖手喎。)因为首晚落台后工作人员话危险,今晚就改为邀请粉丝上台合唱。(妳猛咁抽对方水。)系佢好开心捉住我只手,搞到我几乎甩咗只手袜。”
谈到台上指师傅批算她黑运已过,Hana表示:“佢话我45岁后运势‘好鬼劲’,会升华10倍。(传妳41岁。)错,呢啲冇得呃人,我属兔37岁,即系仲要等多8年,但冇所谓,依家开始发力冲就差唔多。(今晚继续畀女舞蹈员扫胸。)正呀,其实我都有谂过跳得再劲啲,但实在唔够时间排舞,之后会喺呢方面再慢慢去试。(真系以后唔着长裙?)依家公司觉得我大个女,呢方面唔理我嘞。”提到绯闻男友吴卓羲完全没有现身捧场,更有消息指二人已分手,Hana表示:“太赶时间嘞,我冇乜请朋友。(咁有冇联络?)我都唔系好清楚。”
|
|