连诗雅晒索爆姊妹团 陈家乐No Budget兄弟团食颓饭

etin

艺人连诗雅（Shiga）本月24日将嫁给艺人未婚夫陈家乐，早前Shiga同一班姊妹搵晒化妆品、摄影师影咗辑bridal shower索相，位位高质女神狂骚长腿，真系睇到大家眼花撩乱，点知日前男主角陈家乐，就喺社交网自爆佢同班兄弟嘅颓爆BBQ饭局，对比之大，真系令人跌晒眼镜。见Shiga咁悉心打扮，本为圈中男神嘅陈家乐反而以四眼素颜Look见人，佢仲要同成班兄弟玩Selfie，连摄影师都冇，令网友笑爆嘴。佢仲留言暗示今次为咗婚礼使好多，又自爆连啲兄弟都问佢点解budget差咁远：“见到你嘅相 我啲兄弟情何以堪…#佢哋问我点解budget差咁远 #兄弟债 #明就明”明嘅！明嘅！