艺人戴祖仪、陈敏之,蒋家旻、黎诺懿及谭俊彦等,昨日傍晚录影无綫游戏节目《优质服务100 Fun》,适逢祖仪28岁正日生日,工作人员推出生日蛋糕为她庆祝,一班男演员作势献吻,场面热闹。寿星女表示先后已切了6个生日蛋糕,晚上到会返家与家人打边炉庆祝。谈到生日愿望,她笑说:“想中六合彩不劳而获,讲笑啫,其实系好耐冇以歌手身份同大家见面,希望推出新歌大家会锺意,嚟紧我都会去台湾拍MV。” 问到曾传绯闻的丁子朗有何表示?祖仪即答:“我睇咗新闻啦(暗指对方与郭柏妍传拍拖),佢唔得闲㗎嘞,拍剧吖嘛。佢有传生日快乐畀嘅。(拍拖真定假?)我最近冇同佢倾偈,我哋真系冇一齐过。(冇划清界线? )我哋仲系好friend,不嬲都冇划清界线。(话妳凭歌寄意喎。),呢排我都觉得好开心。”问到祖仪是否亦有追求者,她坦言:“有,不过唔多个,需要啲时间沟通吓,对方唔系圈内人。(咁你生日佢有咩表示?)暂时未知,等佢有我再话你知。(佢约妳妳唔得闲?)系,都睇吓对方有冇耐性。”
陈敏之以露脐装现身,并以长靴配短裙打扮,她打趣“好耐冇试过呢啲打扮,好彩仲keep到身形”。谈到好友陈自瑶疑似默认已离婚,她答:“其实我哋好耐冇见,我又忙凑仔,等间见面问吓佢先,嚟紧我哋都合作带货,但无论情况系点都好,最紧要佢开心。”同场谭俊彦则束起胡须,明言这是新剧《NEWS新闻女王》内的造型,暗示戏内将与畲诗曼有亲热戏:“交代我哋系分咗手嘅情侣,不过关系依然好好。拍咗后面戏分先,然后我就会剃须,拍回忆片段,无谓拮亲人啦。”
|