郑俊弘何雁诗上《劲歌》 唱《芳华绝代》点解尴尬？

etin

歌手郑俊弘（Fred）和何雁诗（Stephanie）昨日（20日）夫妻档为《劲歌金曲》录影，2人会合唱张国荣和梅艳芳的歌曲《芳华绝代》，他们透露自从婚后未有合体出活动：“我哋喺屋企练习时，囝囝系我哋嘅观众，佢睇得好兴奋，因为我哋要练舞走嚟走去。”

​他们都希望能多些合作，Stephanie表示：“自从有咗小朋友之后，我好少机会出嚟唱歌，我之后会出新歌，第一炮之前要热身，有老公陪我唔会咁惊。（几时出新歌？）依家开始做歌，今年内会推出一至两首。（会唔会有机会合作拍剧？）呢个就难啲，因为大家唔同公司，可以一齐唱歌已经好好。”提到张国荣与梅艳芳于歌曲中有大胆演绎，问两人是否驾轻就熟？Fred笑言：“同其他冇咁熟嘅人系会尴尬啲。”

不过Stephanie就持相反意见：“我反而觉得尴尬，因为要将私人事摆出嚟。（演绎时会唔会锡锡？）睇吓到时个感觉。”至于可会担心外界将他们跟原唱作比较？Stephanie坦言：“一定无得比，唔会做到同佢哋同一水平或者接近，作为后辈只想做到最好，有个好交代。”而Fred称最重要自己享受，因他视张国荣为偶像，可以演绎对方的歌曲已是荣幸。