艺人冯盈盈昨日(18日)为无綫综艺节目担任嘉宾,之前有传盈盈因工作量大减,故转而修读食物管理硕士?她否认说:“读硕士一直系我嘅心愿,上年12月底拍完剧集《妳不是她》,我就同公司请假,公司好支持同配合我,我想趁自己记性仲唔错嘅时候去读书,如果我依家唔读,将来都唔会读,所以唔关工作量事。”她称课程为期一年,今年内就能毕业,问她是否意味着今年不会拍剧?她说:“睇公司点安排,如果唔撞期都可以,咁学校都有假期同会放暑假。(最近好少见到你?)因为要读书,咁我都有工作冇停过,公司好好,配合到时间嘅工作都会搵我。(怕唔怕观众唔记得你?)我唔系消失或离开,我之前拍咗嘅剧集同节目都会陆续出街,迟啲我读完书出嚟,畀个新感觉大家重新认识我。” 现场所见,她身形瘦了不少,她指没有刻意减肥,可能因为上学而早睡早起令生活有规律所致,亦为变瘦而开心,问她学校有否靓仔同学?她称没有留意:“同班同学相处好融洽,冇因为我嘅艺人身份而有隔膜,不过一齐做Projet嘅组员都系女仔。(冇男同学接近你?)我哋个个返学都系专心读书,唔会谂呢啲嘢。”
|