连诗雅出嫁倒数2个月 担心陈家乐拍剧受伤影响婚礼

etin

将月4月拉埋天窗的艺人连诗雅（Shiga）昨晚（12日）出席婚纱展，表演唱歌及跟观众玩游戏，Shiga受访时表示待男友陈家乐拍完剧以及拍毕婚纱照后，才向外公布确实婚期，但坦言只剩下两个月时间去筹备：“家乐开工冇时间，暂时我自己搞住先，佢仲有两星期左右就煞科。（情人节佢都要工作，你会唔会唔开心？）唔会，工作要紧，而且知佢都拍得辛苦，经常要攀山涉水，我都担心，惊佢会受伤，距离煞科仲有两星期，希望佢顺利同安全拍完。”

​虽然要单独安排婚礼事宜，但Shiga自言无发脾气之馀，反而爆发了自己的小宇宙：“发现原来自己有呢个能力，将来可以做生意，过程中学到好多嘢，我以前好依赖身边人，但婚礼系自己，所以都系要自己落手落脚去做。家乐虽然要开工，但佢都有畀意见，大家有好好沟通，而唔会话你揸主意啦。”

至于婚纱方面，Shiga透露仍未百分百落实，还需要再试身，但她希望自己可以再瘦一点，不过家乐就不想她太瘦：“我依家系唔可以太瘦，但又唔可以肥，惟有健身同人手按摩双管齐下，令身材变到应有嘅地方有，应冇嘅就冇。”问到婚纱照，她称相信没有时间出埠拍摄，她笑言曾想过自己搭建沙滩景或露营背景以拍摄婚照：“我仲谂过我哋扮美少女战士同礼服蒙面侠影相，我搵到件水手服嘅婚纱，不过身边所有朋友都强烈反对。”