唔系玩玩吓！袁伟豪辞演新剧专心做音乐

etin

暌违2年，袁伟豪（Ben）再推出新歌《马路英雄》，将日常马路上的生态，如同生活写照唱出来，他笑说：“歌词嘅画面都系大家平日见到嘅，（帮大家发声？）又唔好讲发声，大家得啖笑，我都写咗最紧要安全、礼让，攞个比较教育意义埋尾。”爱揸车的他笑言如果不做这行，可能会做职业司机，他自问自己手车安全：“快靓正！”

​他笑言自己手车有辣有唔辣：“依家揸得比较老手啲，车住朋友想佢哋坐得舒服，自己揸或者载住老婆（张宝儿）就爽快啲。”他19岁一Take过考到车牌，坦言：“经历过嗰啲火爆阶段，过晒啦，正如歌词讲快嗰一秒，有冇奖品？冇吖嘛，依家做家庭司机，接送老婆、出去做嘢都要安全，有咩闪失影响好大。”

Ben对唱歌、演戏都有团火，以前夹Band的他坦言玩音乐是他儿时梦想，为了出歌，他早前推掉无綫新剧《再见‧枕边人》演出，他笑说：“好任性，其实公司明白，可能喺某啲工作层面觉得我推咗套剧，但我唔系推剧，系唔参与啫，好大分别。”在音乐路上，他希望有更多自己的作品，能够有巡回演出，跟自家的制作团队一齐玩音乐，对其演员形象深入民心，他坦言：“系好难甩㗎，好多嘢都要时间证明，我希望继续坚持，令一啲未系咁了解我音乐嘅朋友，畀佢哋知道我个方向、诚意系点，因为可能你出一首歌，两年后先出第二首，啲人都觉得你系玩㗎啫，所以我连剧都唔拍，走嚟做音乐。”

今次他身兼五职曲词编监唱，制作过程中最难是跟时间竞赛，因为他非全职做音乐，要各方面配合是好大考验，MV由他与好友宁爷联手执导，宁爷笑说：“就系有呢个任性先有呢个创作力喺度。”袁伟豪认同说：“系啰，我成日觉得系要取舍，你要成就一样嘢，都要拣咩时候做乜嘢。”他直认对做导演有兴趣：“其实想拍剧，呢个MV系一个开始，成件事嘅组合，令我认识到幕后要兼顾啲乜，我唔能够话自己拍得好顺手，但由故事创作开始，都要搵啱人配合，阿宁惯咗执行，佢哋有判断嗰个能力。”

虽然两人相识超过20年，曾经失联过，但重逢后一拍即合，今次拍摄MV时相当有默契，宁爷更大爆Ben的摄影器材比他还多：“佢有个靓Model喺隔离，可以发挥得淋漓尽致。”Ben笑言是慢慢投资：“帮老婆影吓相，借啲意买吓灯、镜头。”他的每个作品都有告诉太太张宝儿听，问到宝儿赞多定弹多？他说：“佢会弹嘅，但我唔会听嘅，我会话：‘得㗎啦，呢啲你明。’”宝儿读书时有唱过合唱团，问他可会帮太太做歌？他就不抹杀任何可能性说：“我第一首歌系佢帮我写词，今次佢帮我声演，MV都有帮手，将来会唔会合唱，就要睇机遇！”