传与黄渤饭局做引荐 任达华否认推任晴佳入行

etin

艺人任达华去年曾透露编写剧本，计划今年自导自演一部港产片，令人期待。当时佢就曾笑言会为18岁爱女任晴佳（Ella）度身订造剧本，估唔到近日就有消息指佢原来密密为爱女入行铺路，被目睹拉埋名模爱妻琦琦，同多位内地猛料幕后人打边炉，加上席间亦见内地影帝黄渤，即传出任达华想搵众人引荐Ella入行。

任达华昨日（31日）否认推爱女入行，佢就话自己同黄渤成10年冇见，知道对方来港度假，所以相约饭敍：“同黄渤成10年冇见面，平时见到都会嘻哈两句，知佢哋嚟香港度假，咁就同佢哋食饭倾偈，冇讲其他嘢，阿女嗰日都冇去，只系好朋友聚会吓啫。”现时他们一家人正在外地旅游，暂未回港。