何雁诗飞加国有特别任务 咩事等咗3年终于圆梦？

etin

艺人何雁诗近日去到加拿大温哥华，除咗与同样身在当地嘅好姊妹陈滢“蜜会”外，原来此行仲另有目的，就系跟老公郑俊弘（Fred）回家乡，同时带囝囝Asher见亲朋威友，Fred于社交网上载两公婆齐齐跪地斟茶畀婆婆饮嘅画面，感慨终于可以送上呢杯等咗3年嘅孙新抱茶：“我哋终于可以斟呢杯茶畀婆婆啦，今次返到温哥华可以同屋企人食餐饭聚下，真系感觉好温暖好幸福，仲可以介绍新成员畀大家。”

另外，何雁诗则晒出与爸爸妈妈、老公囝囝齐齐登山嘅靓相，见佢哋喺雪地下大影全家福，相当难得，佢又留言表示今次系Asher首次旅行，虽然凑住BB旅行好辛苦，但见大家玩得咁开心，咩都抵番晒。