吴浩康狂数老婆黑面爆粗 密谋再造人维系感情

etin

艺人吴浩康（Deep）被“格斗女神”郭思琳收服，去年结婚生B一Take过，首年派双封利是的他日前受访时表示：“派双利是系开心事。（阿仔大丰收？）我会将佢啲利是钱储起，畀佢知爸爸唔会攞佢啲嘢。”又赞囝囝孝顺，免父母辛劳自动戒夜奶，反而老婆最令他头痛：“原来要老婆情绪稳定，唔好连续要佢做3样嘢，否则佢觉得你冇份参与，洗奶樽都可以呯嘭咁大声。”但他却乐在其中，笑言有“被虐狂”：“怀疑我好锺意老婆黑面，佢一嬲我就赞‘你黑口黑面好靓，讲埋粗口仲冇得顶添，掟嘢时嘅肢体都好索’，可惜佢愈凼愈嬲。”不过，他强调老婆动口不动手，他说：“佢抽就唔够我抽，打我体力上会攰，但黑面可以马拉松式3个月。”

他自称挑战老婆容忍极限是用心良苦，因将来再生BB需要更强EQ，问是否准备再生？他直认：“发觉佢愈嚟愈唔锺意我，所以有阴谋要多个嚟绑住佢个心，但太太话怕咗怀孕。（会唔会强行造人？）都好喎，趁新年闷闷哋，今晚搵老婆先。”而郭思琳对于被爆黑面，受访时称因24小时凑BB平均个半钟醒一次，令她表情管理上难受控，又指是Deep误会她：“谂多咗，佢帮多啲手，我休息多啲就会成日笑口噬噬对住佢！（老公想生多个？）顺其自然，暂时真系搞唔掂，到依家都仲未回复番之前嘅状态。”

​而Deep的同门沈震轩表示踏入人生新阶段，投资逾7位数开高档健身室，且透露将有大惊喜给拍拖5年的女友陈欣妍。至于艾妮则喜获公司重本投资，3月将到日本为HIFI碟录音。