陈茵媺朱凯婷影闺蜜照 幕后花絮揭露人夫辛酸

etin

视帝陈豪同老婆陈茵媺（Aimee）系圈中模范夫妻，育有3个仔女嘅佢哋，不时喺社交网大晒生活点滴放闪，令到一众都好羡慕佢哋有个幸福美满嘅家庭！原来当中有唔少靓相同影片，都系由陈豪亲自操刀拍摄，Aimee喺昨日（28日）凌晨时分，晒咗2张佢同闺蜜朱凯婷头贴头影嘅靓相，仲公开咗段幕后制作花絮，就系陈豪同朱凯婷老公林德勤，齐齐为佢哋影相嘅过程。

​片段中2位人夫用齐打光灯圈同支架加埋手机，好努力地咁为老婆大人影相，仲一边研究点样先可以影得最好，好似有讲到：“Pan高啲”、“高啲咪瘦啲”、“唔系我哋满唔满意，系老婆大人佢哋满唔满意”，对话认真搞笑，亦揭露出100分人夫嘅辛酸，网友都慨叹要哄老婆开心真系一啲都唔容易呀！