姚焯菲最快复活节返港 有“思乡病”瞓唔着！

etin

“声梦小花”姚焯菲（Chantel）早前搭夜机飞抵新西兰升学，现已抵达当地酒店准备入学的她，在网上开Live跟粉丝“小菲象”倾足15分钟，素颜的她不停嘟嘴、甜笑，更逾4度说挂住香港，冧到“小菲象”失魂，又透露最快于复活节返港。据其所读的学校的校历表所知，1年放4次假，而最长的假期可达2个月。

​Chantel表示离港3日已有“思乡病”：“唔系好惯有Jet Lag，喺床摊咗好耐都瞓唔到，我知道揿电话更加瞓唔着，所以就冇揿，摊喺张床度碌嚟碌，碌咗3个钟先瞓到，同埋我呢几日尽量夜晚都食少啲，不过呢2日胃口唔系咁平时咁好，唔每分每秒想食嘢。”

有粉丝问她可习惯做全职学生，她不讳言不惯：“以前一星期有几次工作，或放咗学有工作，但依家就冇咗，可以有时间做其他嘢，依家多啲时间做运动呀，或者做学校嘅课外活动呀。”又称日前已试新校服，其父母陪伴1、2个星期就会离开，之后会住学校宿舍，但暂时未和室友见面，不过遇见同级不同班的同学：“我哋可以倾吓偈，我会读英文、中文、数学、生物学及经济，仲会继续学唱歌、弹琴。”

有粉丝问到可习惯当地天气？她就表示新西兰长期是蓝天，不过发觉现时就算是夏天也只得摄氏20度，气温较凉，更遇上大风雨：“室内算温暖可以着短袖衫，但室外好冻，啲风差啲吹走我把遮。”期间她又安抚“小菲象”谓只带了1个箧行李及1个背囊：“其实我真系唔系嚟好耐，嚟呢度一阵就返去香港放假再返嚟。”且会不时上载新片上网，她亦录了合唱及独唱歌共4首，最后她还说：“大家唔使担心，我好快返嚟，希望呢个Live畀到你哋安心，返嚟香港见啦。”