艺人王君馨(Grace)于“宇宙最强”甄子丹贺岁电影《天龙八部之乔峰传》内,饰演马夫人(康敏),片中要骚长腿跌膊色诱丐帮中人。Grace今晚(16日)出席电影首映礼,表示仍未欣赏自己的演出,但笑言:“可能仲有啲花曼(电视剧《铁拳英雄》)嘅味道。(唔担心老公呷醋?)佢今晚都有嚟,不过睇惯我唔惊,反而唔敢畀爸爸睇!”
对于能够与子丹合作,Grace表示:“系王晶话畀我知佢会开戏,咩角色我都未知就传自己嘅资料畀佢,一晚内已经落实由我演。能够同丹爷合作紧张同受宠若惊,不过今次拳脚功夫唔多,遗憾冇得同宇宙最强过招,不过我胆粗粗畀自己动作嘅视频佢睇,希望指点一二,佢都有教我窥门,希望日后有机会再结片缘。”她又难忘其中一场戏被刘雅瑟踩手背:“我手掌嘅皮比较薄,丹爷都叫我小心啲,不过佢哋好保护演员,啲护垫好用,我几想买番套返屋企。”
谈到离巢无綫后,工作机会似乎增加不少,Grace表示:“系多咗好多新尝试,离开咗舒适圈同唔同嘅人合作。如果当时我唔喺内地拍紧综艺节目,返去内地工作嘅话需要隔离,我就未必接到呢部戏,我哋呢啲电视出身嘅,比较难踏足影圈。(新年后再返内地工作?)留喺香港,大家有工作可以搵我,之前走得太耐,要陪老公喇。”
|