炎明熹无奈被屈耍大牌：把口喺人哋度！

etin

“声梦人气王”炎明熹（Gigi）昨日（11日）出席大家乐举行的《炎明熹好想约你～做善事》慈善捐款活动，现场吸引逾300粉丝撑场。​Gigi表示经常会参与学校举办的慈善活动及探访：“我去过老人院探访，啲老人家好得意会拉住我同我倾偈，当时有唱歌环节，我嗰时仲未学唱歌，我好惊咁同同学一齐合唱。”她指歌迷会不时会组织慈善活动，令她大感恩惠，她也储了一堆歌衫作捐赠之用，问她会否捐赠其他私人物品？她说：“我有好多公仔可以做慈善拍卖，我系一个好唔舍得断舍离嘅人，尤其系公仔，因为系亲戚送畀我，仲系由细陪到大，我细个会揽住佢哋瞓。（有冇你啲口水？）有，哈哈，不过过咗咁多年应该冇口水味，而且有洗过。”

对于有网民指她耍大牌，要助手搬开所有櫈为她开路，她一脸茫然表示：“我唔知点讲，把口喺人哋度，要了解清楚成件事先再讲，但大家都有言论自由，所以无所谓。（你有冇耍大牌？）我只系星斗市民，系微尘，冇话耍大牌。（唔系嚣张？）呢个字只系出现喺我首歌《焰》入面，同我本人系完全相反，首歌系我另一个人格。”问到会否觉得自己备受公司爱锡？她说：“大家都好锡我，我好幸运，就算有人唔锺意我，但都唔会对我人生攻击，个个都好帮我，唔会贬低我。”她的新歌《好想约你》MV网上点击成绩骄人，现时点击已过200万，为香港认知障碍症协会筹得6位数字。