获2LINE党入场撑处女作 汤洛雯超感动：呢的好朋友边度搵！

etin

由江𤒹生（Anson Kong）、汤洛雯（靓汤）、栢天男、陈欣妍（Shirley）等主演嘅电影《忽然心动》早排上映，汤洛雯今次首踏大银幕，挑战演“一脚踏十船”嘅女仔，令唔少人都好期待睇佢嘅演出。继男友马国明早前现身首映支持佢后，日前终于到靓汤嘅闺密“2LINE党”入戏院撑场，日前成员之一嘅岑杏贤更喺社交网晒出闺密照，见佢同朱千雪及蒋家旻齐齐拎住《忽然心动》嘅戏飞影相，仲喺贴文写到：“大家虽然各有各忙，但说好要支持你（靓汤），我哋一定做得到。”而靓汤之后亦转贴照片，感动回覆话：“呢的BFF（好朋友）去边度搵！”认真Sweet呀！