陈奕迅拍MV吊高3粒钟 “脑冲血”见晕

etin

即将开骚的歌神陈奕迅（Eason），于昨日（8日）发布新歌《人啊人》MV，MV由金像奖新晋导演陈健朗执导，以一个人濒死的第三观视觉，告诉大家什么是“人”，“人”又应何去何从？人生如梦幻泡影，带出反正终有一日灰飞烟灭，何必再有执念。

​MV用了超多CG及试验性的特技，陈健朗在开场用了一个白色山丘沙漠的荒无画面，突入人的心脏世界，再闪回时让观众惊觉，荒无山丘原来是陈奕迅的裸体。MV中脱离肉身的Eason通往其他次元的门，穿梭在多维度宇宙之间，带出贫富贵贱及深浅高低等，皆是妄心起灭，烟飞灰灭之时，心常空寂，湛然清净。陈健朗说：“画面想表达一个人濒死期间嘅经历，部分研究表示，人死后仍可有时间回顾一下整个世界，所以我哋大胆幻想，当你离开肉身成为另一种存在时，用第三身睇人生又会系点？”

《人啊人》由林家谦作曲，周耀辉填词，李荣浩编曲，Eason直言收到林家谦Demo时非常喜欢，因为家谦在内唱了一句: “Who we are？” 令他想到“人”这个题材：“我同耀辉讲咗个构想，佢马上就写左份非常出色嘅歌词畀我，佢喺歌词里面不停问问题，但冇结论，结论留畀听歌嘅人去思考。”是次MV花近二十小时拍摄，单是吊威吔，一吊就吊了三个钟，Eason坦言有点“脑冲血”见晕：“其实我唔知拍紧咩，好耐冇试过咁拍MV，不过我信导演，哈哈！我同阿朗倾过几次偈，佢个脑好阔，有好多唔同谂法，好创新，所以我交晒畀佢，佢叫我做咩就做咩。吊威吔其实都辛苦，唔系讲吊得耐唔耐，系因为我始终冇受过训练，核心肌群（Core Muscle）唔够力，好多动作都系靠核心肌群发力，所以我成日喺半空中自动后空翻，hold唔到好耐。好彩今次班武指，都系以前拍戏、演唱会合作过，佢哋好好，不停教我应该点做，最终都拍到导演收货嘅镜头。”

今次Eason除了吊威吔，要被淋黑浆，又需与大班舞者跳舞：“淋落嚟嘅系似芝麻糊、混合类似小朋友玩嗰种口水胶质感嘅嘢，导演话食得嘅，哈哈。因为一淋咗就冇晒妆头，所以呢部分放到半夜先拍，淋咗一共四、五次，剩系觉得冻，同自己好似变左条鳄鱼，因为黑浆流咗入眼，好似有层雾咁。似鳄鱼眼睛灰灰地，但都几好玩，我睇相个效果都震撼。”

演唱会即将开锣，Eason表示已提早排舞：“想练多啲，当做埋运动啰。（会唔会严格闭关免生病？） 都会呀，临近演唱会少啲出街啰，见到演唱会大家咁支持，啲飞卖得咁好，都有压力㗎，演唱会始终系一件好大嘅事，有时我都会惊一惊，唔知自己做得好唔好，但每当呢啲时刻，个天就会派人嚟鼓励我，例如身边朋友，或者喺街上面，都有好多鼓励，行过撞到就会有人同我打招呼，然后话：‘你啲飞好难买呀！加油呀！’真系好温暖。多谢大家，咁多人锡我，我会加油做好每一场。”