刘美君惊现“鬼剃头” 有心理准备会秃头

etin

歌手刘美君近两年离开香港，移民到加拿大叹世界兼凑孙，惜今年九月时，佢公开妈妈患上脑膜瘤一事，面积有如高尔夫球般大，幸好治疗过后情况好转。不过日前（6日）刘美君再分享近况时，就post出拍摄自己头顶嘅照片，原来佢患上斑秃（俗称鬼剃头），更曾因此崩溃。​刘美君以英文撰长文表示，佢有一次准备去晚宴时发现自己有鬼剃头，当时感觉自己被摧毁，更流下眼泪，不过佢好快就振作起来，继续笑住前往晚宴。佢指呢件事唔系世界末日，自己亦正接受治疗，虽然未必有用，但佢都希望同大家分享呢段时间嘅经历，指已经准备好有一日可能自己会冇晒头发，仲劝大家要准备好心态去接受无法改变嘅事实。