张致恒疑搞紧离婚 雯雯达容忍极限：2023年有好开始

etin

艺人张致恒（Steven）同老婆区燕雯（雯雯）三年抱三，不过佢哋两个嘅感情就令人捉摸唔到，继早前雯雯取消追踪老公嘅社交网，更将Steven所有相片删除，就已经惹嚟离婚疑云。点知昨日（7日）佢更发文暗示自己“嫁错郎”，直言两人沟通唔到，不过2023年会有有好嘅开始，令人联想到佢同Steven可能已经搞紧离婚手续。雯雯喺限时动态发文暗示婚变，直认已经到极限，更澄清唔关玩女人或者有小三事：“可以当我精神有问题，可以当我做新闻，可以当我思觉失调，但我可以好肯定咁讲，已经到咗我极限，全部嘢已经到咗我底线。

​唔需要估，唔系玩女人，唔系又有第二个，好简单，性格，沟通唔到，容忍唔到。我自己系单亲成长，以为努力坚持死撑，我嘅小朋友就可以完整成长，但原来真系勉强唔到，每日对住原来可以咁攰。”直认同Steven勉强唔到。雯雯亦表示明年会做番自己及有好开始：“依家，安排一切，2023年一定会可以做返自己，有好嘅开始。大家最喜欢话我抵死、拣错人；唔试过，又点知结果。”之后雯雯再贴出同三个仔仔嘅合照，唯独冇咗老公Steven，并留言说：“这样已经足够，轻松哂。”