厂景接外景冇停过！陈晓华几乎挨病 自备床褥补眠

etin

前港姐陈晓华（Hera）与前辈文雪儿日前为无綫新剧《异空感应》拍摄外景。近日天气转凉，Hera埋位前穿上厚褛保暖，因气温下降加上近期拍摄厂景接外景，令她睡眠不足，感到身体更加虚弱。

​问到她可会担心挨病？Hera笑说：“前几日差啲顶唔住，以为自己会病，但拍摄跑咗几步，个人就好似回光返照咁返咗嚟。运动好紧要，平时开厂、外景好多时坐喺度，个人会比较沉，郁一郁个人都精神番。”经过新剧磨练，她自觉尚算挨得：“有时得一个钟休息都费事返屋企，买咗张床褥喺架车度瞓一阵，或者放食饭时会去架车瞌一瞌。”虽然身体疲倦，但她称揸车时会很精神，所以很安全，并相信稍后只需拍外景就会有多点休息时间。

讲到台庆颁奖礼有份角逐“最佳女主角”与“飞跃进步女艺员”奖项，她说：“依家啲信心留番嚟拍剧，因为今次剧集挑战好大，有好多场口要兼顾，最大嘅挑战当然系唔够瞓，所以无时无刻要提醒自己进入状态连戏，亦有同工作人员讲，如果有问题要即刻话我知，等我改善。”​