被寸个唱门票滞销 吴若希收晒火高EQ回应

etin

歌手吴若希（Jinny）即将举行香港首个个人演唱会，连日来佢不停于社交网落力宣传，仲不惜拍片重温入行至今嘅是非黑历史造势，更自认年轻时火爆，现时EQ高了不少。话口未完，即有网民再挑机，发文贴出其演唱会售票页面，指门票滞销，引得Jinny亲自出面回应：“谢你帮我宣传～～～系呀～大家记得支持！下星期日就系啦。”其曲线宣传手法更赢得网友力撑：“即刻买两张支持先”。

另有网民到其社交网留言：“送飞都唔睇啦，唔该到时宣布埋离婚”，Jinny亦收起火力，幽默回应：“你咁期待我宣布离婚嘅？你系咪好想娶我呀？唔好啦...”尽显高EQ！对于演唱会售票情况，Jinny表示销情不错，已卖出8、9成飞，只剩下平价飞，又透露暂时演唱会有1位跳唱新人作嘉宾，被问到会唔会邀请“劲敌”菊梓乔，佢就直认有考虑，但听闻对方唔喺香港，所以未能成事。