朱千雪与黄翠如昨日现身TVB长期服务暨杰出员工荣誉大奖颁奖典礼晚宴,2人获颁10年服务奖,千雪称10年比她想像中过得快:“早一两年仲觉得自己系新人,估唔到眨吓眼10年。”近年转战法律界的她她被问到会否拍剧时,她表示跟无綫仍有合约,拍剧与否要视公司安排及时间长短:“时间太长就未必得。(咁做主持或真人骚呢?)我做主持冇翠如咁叻。(拍旅游节目?)都几好,可以学吓当地文化,我当初入行都有拍旅游节目,但入咗剧组就少咗。(仲有冇戏瘾?)都有,久唔久睇剧都会谂如果呢个角色由我演会点,不过我太耐冇拍剧,如果再拍唔知观众接唔接受到。” 另外,翠如的老公萧正楠明年初联同区永权及伍仲衡开演唱会,他们计划邀翠如任嘉宾,翠如表示:“我怕我唱歌会成为厕所位,观众走一半,大家都知我唱歌出名难听,每次唱K我只系负责食嘢。(会唔会上台撑佢哋?)佢哋认真先算,我唱歌嘅话,佢哋要花好多时间教我。(你老公可以日日教你?)佢已经放弃咗我,我喺屋企唱K,佢就走去煮饮、我费事畀人取笑啦!”她指今次开骚最戥区永权动感,因2人毕业就认识,对方很有音乐才华,但为照顾家人而选择了较为稳定的主持工作,今次难得有机会开骚。
|