艺人郭柏妍“处女下海”拍电影,于《驱魔龙族马小玲》内,扮演“初春”一角,与刘心悠不乏对手戏。谈到踩入影圈,她说:“开心又紧张,因为之前我都系入戏院嗰个,冇谂过自己会出现喺大银幕。(准备工夫做成点?)准备好心情啰,今次我个角色几特别,廿几岁时畀僵尸咬到,所以一直维持年轻嘅外表,但实质已经60几岁。(要打?)要讲嘢,哈哈!其实我都想拍打戏,听蔡洁讲吊威也,我又未试过,都想试吓。” 另外,编剧陈十三再次将《我和僵尸有个约会》搬上银幕,但卡士人面全非,教不少“僵尸粉”失望,更有人将两代马小玲长腿作比较,狠批“新不如旧”﹗十三受访说:“其实僵尸嘅世界观好大,如果仲局限以前咁,好难再创造传说,咁演员亦唔系僵尸,佢哋会随岁月有所改变,如果要承传嘅话就要由新人去接棒,我觉得今次嘅卡士已经几好嘞。”不过十三扬言“会有惊喜”,当问到已返港的太太万绮雯,及陈启泰等是否会突现现身,他笑言:“唔讲得,只可以话有惊喜,而且惊喜唔只一个,大家拭目以待啦。”
|