杨卓娜客串与女儿被抛落楼 觉得唔够喉

etin

艺人杨卓娜客串演出无綫台庆剧《超能使者》，短短一集已交代她惨遭丈夫“推落火坑”，及后更与女儿齐被抛落楼，最终死于非命﹗其演出一度引起网民热话，拍摄时她感同身受﹕“当时我情绪好激动，因为自本身都有小朋友。（观众赞妳演得好好。）其实每个演员只要投入，都可以做到嘅。我唔系刻意咁去‘苦情’，系剧情需要，唔想拖跨剧本。”她又坦言今次戏份“唔够喉”﹕“想起伏多啲，俾多啲位我加以发挥啰。今次咁少戏份其实都拍咗好多日，车戏都蚀埋呀，哈哈﹗”她又大赞拍档吴家乐﹕“戏里面佢好衰，但现实生活系超级好爸爸，内心戏又处理得好好，摆好多心机落去。”

谈到今年有多部剧集推出，杨卓娜自言很喜欢《童时爱上你》内的表现﹕“《童》剧同《超》剧都有讲姐妹情，不过后者两姐妹嘅关系，比较似我同细妹（杨茜尧）。（妳同尧尧嘅相处系点？）以往我哋有感情问题，都会互相倾诉，姐妹系要有实际支持，而唔系吃喝玩乐。”她又坦言未有宗教信仰前，自己遇上问题很容易钻牛角尖﹕“好多时遇到问题，但搵唔到出路，依家明白遇到嘅唔系难关，只系挑战，系一种练习与磨练。”对于被封为“最强后母”，杨卓娜答说﹕“系‘最强朋友’就真，我都系喺度学习，人生中每个角色都未必完美，只可以尽力而为。（同继女相处点？）佢见到我唔开心，就会关心我，大家有事直接讲出嚟，尽量转化佢。”