陈展鹏趴地扒饭认贱底泥 被唐诗咏怒掴致微丝血管爆裂

etin

视帝陈展鹏在前晚（21日）一集《超能使者》中有突破性表现，终记起家中巨变事实，生无可恋的他一度自我放弃露宿桥底，期间遭人拳打脚踢兼逼食“地下饭”，虽然其他超能使者来拯救他，但他爆Seed认废人：“我系贱底泥，我锺意食地上啲饭得唔得吖？我求吓你哋走啦，我唔想见到你哋呀！走呀！”最终被唐诗咏狠狠掴一巴，不少网民大嗌心悒并洗版式激赞：“睇到流眼水”、“展鹏同诗咏真系演技天花板”、“视帝鹏”、“算系TVB近年佳作”。

过去两集展鹏将各种情绪发挥得淋漓尽致，演技再获观众肯定，他开心说：“好感恩大家陪住我成长，亦畀好多唔同意见、方向我调整，有句说话‘真正朋友应该讲真正说话’，要进步就一定要接受批评，而观众就好似家人咁督促我成长。”为求逼真，他指该幕一身邋遢造型是“就地取材”，就是当场将戏服掉落地再捽污糟，又谓“趴地扒饭”NG了三、四次才收货：“最难过系第一Take，因为我未克服到仲系忌住忌住咁，所以表情唔得。”他又指被掴戏是一Take过完成，并谓事前刻意要求诗咏出尽全力打：“畀佢打完我都有啲晕晕哋、成个人Freeze咗，因为真系食得好应，嗰日返到屋企都见到牙骹位爆咗少少微丝血管。”