心情起伏大 袁伟豪深宵狂呻：永远错重点

etin

艺人袁伟豪（Ben）最近转做歌手，曲词编监唱、和音、结他部分同MV导演都系佢自己做埋，加上频频见人做宣传，工作压力似乎好大，咁啱寻晚《爱．回家之开心速递》最新一集，就以佢早前喺社交网抛下一句“我欠咗你哋班传媒？”一事抽水，种种事情加埋，令佢压力爆煲，昨日（19日）佢喺社交网再次爆Seed，意有所指咁发文狂呻，同时亦向大众指自己依家冇失落，最差最坏嘅都已经挨过：“点解啲报道，永远都系错重点？明明系宣传新歌，讲吓近况，但系永远出嚟就系错重点嘅呢？又继续无限放大？请大家千祈唔好觉得我仍然好失落，最差最坏嘅都已经挨过，我现在好好，真的很好，好开心。”惟之后佢已将限时动态删除。