袁伟豪惨成箭靶陷低潮：觉得有啲唔公平！

etin

艺人袁伟豪（Ben）接受无綫娱乐新闻台节目《StarTalk》主持许文轩（Edmond）访问，大谈推出新歌《马路英雄》的感受，Ben说今次再出歌是圆梦，他说：“今次首歌嘅曲词编监唱、和音、结他部分和MV导演自己都有份参与。既然上一首歌喺抒情，咁不如今次《马路英雄》整首节奏感重，歌词部分一日完成，因为个题材自己好有感觉。因为我太锺意揸车，好享受揸车嘅感觉，我连车里面嘅座位、音响、气氛、马力都好讲究，我觉得如果我唔做演员，好可能系一位职业司机。首歌总共录咗两日，第一日之后觉得唔满意，隔咗成个月先再录，中间嘅过程问咗好多朋友嘅意见，包括谢东闵、单立文、胡蓓蔚，仲请教咗歌唱老师。”

​对于近年备受批评，问到Ben会否以歌词中的一句“沉着气 给礼让 先最强”来面对种种问题和压力时，他说：“其实好大压力，但我好被动，嗰段时间好低潮，好迷失，觉得工作上付出咗咁多，但反而外来嘅声音，专注唔系工作上，而且仲成为箭靶，觉得有啲唔公平，变咗有一种好失落嘅感觉，成个人都冇晒光彩，跌咗落漩涡中。其实都要多谢黄翠如，佢知道嗰时我有压力，问我有冇事，佢上咗嚟我屋企倾偈，临走之前叫我Delete咗个社交App，唔好睇，到咗自己强大咗先算，我喺佢面前Delete咗！当冇睇嘅时候成个人真系舒服啲。可能我个人比较感性，容易触动到自己，所以先令到外界觉得我好火爆，其实认识我嘅人都知道，我遇到问题系会有意见，不过都系想为件事好。”

Ben又说入厨是令他自我愈的良方：“整嘢食系喺我低潮时期帮到我疗伤同好治愈，当时开始冲咖啡拉花、整嘢食、焗面包同整Pizza，唔开心有情绪嘅时候，整个面包都唔好食，我试过唔信，立即再搓面粉再整，出到嚟都系唔好食，可能真系有啲能量转化，所以之后我抱住一个平静、开心嘅心态去做。”​