陈展鹏刘佩玥大赞郭子豪：演出不一样嘅奸夫感觉

etin

艺人陈展鹏与剧中老婆刘佩玥（Moon）昨晚（17日）现身无綫剧集《超能使者》饭局，Moon称留意到近日网上讨论区，很多网民推测之后剧情，创意无限：“有人话我小产后变植物人，我用脑电波控制展鹏嘅思想，我觉得真系好有创意，但当然唔系真啦！”对于有网民指展鹏全家都是来自展鹏的幻想，展鹏否认：“唔系，咁我都系有阿妈生，亦真系有细佬，只系呢啲系以前定现在。（话你捉奸在床，你会杀咗Moon？）呢个迷思，今晚都会揭晓。”对剧情大卖关子，不过问到是否有其中一个超能使者会死？他就直认不讳：“我会死，不过有唐诗咏，佢嘅异能可以救番我，所以我可以无限复活。”Moon指诗咏的异能都有可能失灵，展鹏开玩笑指若自己在第12集就死，剧集就变神剧，Moon笑言：“哗，你咁快死都可以喺宣传海报入面企中间，咁咪好抵。”展鹏指自己不会这么容易死，后续有很多事情发生。

另外，展鹏赞奸夫郭子豪演得好兼身材正，Moon附和说：“监制喺社交平台上载咗几张奸夫喺床嘅相，佢演出不一样嘅奸夫感觉，佢唔系落荒而逃，反而系宣泄主权。佢嘅上围仲劲过我，佢赢咗，但我个头围就劲过佢。”她表示剧中所有演员的身形都弗到爆，故自己也不能输蚀，加上她在戏中跟郭子豪的床戏也需要微露：“我喺《美丽战场》入面肥过《超能使者》十磅，因为企喺展鹏隔离要瘦啲，加上喺《美》剧成日食，导演日日万岁。”问到Moon现实中是否喜欢肌肉男？她认为无论肥瘦，最重要是健康：“我拍《美丽战场》，阿Bob（林盛斌）好好揽，我差啲俾佢揽到断肋骨，畀展鹏揽都好开心，感觉好Man，我对住佢成日心心眼。”她称经常被指在剧中叫展鹏“老公”时太过Sweet，展鹏已婚人士身份说：“结咗婚就唔会咁叫，因为婚后女权至上，女人话事，我叫老婆就好温柔，老婆叫我就好亲昵咁叫‘喂”或者叫‘展鹏’。”