|
艺人李施嬅受未婚夫星级教练车崇健(Anson Cha)影响,愈嚟愈热爱运动,近日佢哋孖住去到夏威夷旅行,专程登上夏威夷瓦胡岛,到访著名嘅玛卡普吾角灯塔(Makapu'u Point Lighthouse)打卡,李施嬅不但走上高台边缘玩危企,仲即场跳绳,劲牙烟,真系吓到个心离一离,不过李施嬅似乎未惊过,非常淡定,一边望住无敌海景一边弹吓弹吓,相当享受。佢又留言介绍呢个绝世景点,并为行山路线评分,最后宣扬做运动保持身体健康嘅重要性之馀,不忘趁机放闪:“照顾好你的身体,他也同样会好好照顾你。”暗指得未婚夫悉心照顾。
|
|