庄思明记得晒舞步好有满足感 黄嘉雯指读书年代有参加舞蹈学会

etin

一班前港姐包括：庄思明、黄嘉雯、麦皓儿、刘温馨及赖彦妤等昨日（15日）齐集新蒲岗，为《传承·狂欢55·万千星辉贺台庆》表演环节“Beauty and the Beat”进行排练，大跳劲舞。前港姐季军庄思明坦言最初排练时十分迷惘：“太耐冇跳过舞，好在练咗一个星期依家已经记得晒啲舞步，好有满足感。”她透露早前飞回马来西亚探望母亲：“返咗10日，2年几冇见过阿妈啦，同埋第一次见我姪仔，佢疫情期间出世，我一落机同佢哋食饭，佢第一眼见到我，问个工人姐姐‘Who is this?’哈哈！（男友杨明一齐飞？）佢香港有啲嘢要处理。（佢面对官司心情如何？）还好啦，每日都积极乐观，做运动同上啲幕后制作课堂增值自己，佢觉得担心都系要过日子，倒不如积极啲做啲有建设性嘅嘢。”她坦言自己也有点担心，但尽量不想太多，笑言两人有互相打气：“我呢排减肥，佢做咗我魔鬼教练，又唔畀我食嘢。”谈到早前宣布离婚的姐姐庄锶敏，她説：“佢都OK呀，依家重心放工作，佢喺内地就返㗎啦，终于都舍得返嚟。（家姐同前姐夫之前系咪一直关系唔好？）唔系嘅，只不过分开得太耐大家要磨合约牺牲，唔可以单方面嘅，我觉得既然磨合到，不如做朋友，大家唔使咁辛苦。”

至于前港姐冠军黄嘉雯表示台庆夜会有3个表演：“两个Opening系预先拍好，再加呢个跳舞表演。（吃力吗？）Opening容易啲即排即拍，呢个排咗10日，呢只舞系我咁耐以嚟觉得最难，差唔多3分几钟。”她指自己读书年代有参加舞蹈学会，也很喜欢舞台。谈到有份演出的剧集《下流上车族》收视好，她高兴表示：“好开心，即系大家锺意个故事，冇谂过自己几集嘅出现有咁大回响，前几日行山有小朋友认得我叫我校长，同我影相，返到公司大家都叫我校长。（冇人记得你系港姐冠军？）咁先至好，有新嘅代表作系好事。”她更期望剧集会开第二辑，希望能再次参与演出。