视帝陈展鹏出席无綫台庆剧《超能使者》宣传,被同剧的林子善爆料指展鹏于一场穿透视衫拍摄的戏份,造型如同天王般,当时展鹏更搞笑大摆天王甫士,令剧组人员忍俊不禁,事后展鹏说:“嗰日都搞咗好耐,因为好惊爆胎。(扮边个天王?)搞吓笑啫,大家觉得似边个就边个啦!(惊唔惊畀网民拎番你以前件鱼网衫出嚟对比?)亚视啲娘嘢?其实系个人问题,唔关亚视事嘅,点讲都冇所谓,最紧要大家开心,完全唔介意。” ​对于今年视帝之争,问到展鹏是否观战心态?他表示每年心态一样,认为一切交给观众选择:“颁奖礼一定要民选先好睇,要公平公开,观众睇得开心自然会投入。(撑边个攞奖?)我好多兄分都未攞!(今年山聪6套剧!)有时唔系多剧一定OK,亦未必票房好就会攞奖,要睇角色嘅发挥,所以交畀观众选系唯一嘅出路。”更指今年公仔箱气氛好,几套剧集均收视报捷,还大赞《下流上车族》内容够贴地,林敏骢、江美仪等主演均表现出色。
|