冯盈盈再入剧组日夜颠倒 40个钟冇得瞓！

etin

前港姐冠军冯盈盈昨日（12日）出席“童建未来”儿童发展基金计划2022-2025 启动礼，与现场青少年分享如何建立人生目标，也大谈自己追梦及奋斗故事，不讳言当初获邀时感受宠若惊：“因为我仲搵紧（人生目标），唔同阶段会有唔同目标，入行初期想尝试拍剧手、做主持，之前我就走去读金融分析师，但其实当初我谂住做营养师，一来为食，另方面因为细佬细细个就有慢性肾炎，饮食上要食得好淡，又冇得食药根治，所以想识多啲食物方面嘅知识，等佢冇咁惨，但后来医学昌明，打支针就有抗体，叫做到依家20几年都控制病情，可以正常出街食饭。”

​忙于拍摄新剧《妳不是她》的她，对于已有一段时间没有入剧组，问到她可会不习惯？她指近日大多天光才收工，与家人见面时间不多：“个Time Zone好似去咗美国时间咁，日夜颠倒咗，最难适应系呢样，最劲试过40个钟冇瞓，反而角色投入冇问题，因为主要都系纯拍拖，故事好生活化，情节又搞笑、有场戏讲丁子朗扮卡通人物凼我开心，现实中我冇经历过，所以一出嚟我笑场，觉得佢好似杀人犯，有耻笑佢。”由于剧情轻松搞笑，盈盈表示连Kiss戏份也以剪影及幻想来交代，故拍摄时也点到即止。