无綫台庆剧《下流上车族》是前港姐季军郭柏妍入行以来最重戏份的一套剧集,与林敏骢及江美仪上演亲情戏,与丁子朗更有感情线,角色相当立体。不过,对于没恋爱经验的郭柏妍而言,谈情说爱可说是一大挑战,惟有靠煲韩剧恶补:“依家啲韩剧包装到好Sweet,好锺意睇南柱赫,剧集包装到佢系完美男朋友,唔会闹交、净系靓仔、讲啲甜蜜说话,睇剧嘅时候会谂:‘如果佢系我男朋友就好喇!’” ​郭柏妍明白理想与现实的距离,所以拣男友不一定要靓仔:“咁又唔使似南柱赫,拍拖会睇性格,但系依家做演员时间唔定,开工好多时好似消失咗咁,未必个个接受,拍拖都要对方好明白我嘅工作性质。”她笑言煲剧的时候会很想立即拍拖,但返回现实就不会心急,顺其自然。半工读完成港大硕士课程的郭柏妍有学识又有姿色,自然不愁冇人追,但原来她在学生时代并不起眼:“以前戴眼镜,好锺意食嘢,但系游水同埋标高之后瘦咗30磅,啲中学同学见到我去选港姐都觉得我改变咗好多,因为瘦咗同冇戴眼镜,所以话每个肥妹都系潜力股。”​
|